ඇඩ්‍රස් නෑ..

ඇඩ්‍රස් නැති සමාජ පංතියක් ගැන ‘ජැක්සන්‘ කියන කතාව.. තවත් එක් සුවිශේෂී සිනමා නිර්මාණයක්..සමාජය හරස්ප්‍රශ්න කරන අමුතුම ආකාරයේ චිත්‍රපටයක්..

ඇඩ්‍රස් නෑ..
ගායනය - ගයාන් පෙරේරා
පදරචනය - මහාචාර්ය සුනිල් ආරියරත්න
සංගීතය - ආචාර්ය රොහණ වීරසිංහ
අධ්‍යක්ෂණය - ජැක්සන් ඇන්තනී



මේ බජාර් එකට මල්ලී
අහසත් නෑ.. පොළවත් නෑ..
අහසත් පොළවත් නෑ..
ඇඩ්‍රස් නෑ..

පට්ට පොරවල් නෝන්ඩි වෙනවා
සිරා කරාලා චාටර් වෙනවා
නඩු තීන්දු යම රජ්ජුරුවන්ගේ
ඇඩ්‍රස් නෑ..

පොට් එක හිට් නං වැඩකිඩ බොක්කෙං
අද ආතල් නං හෙට චොර වෙද්දෙං
පජාති උන දා
හෙනහුරා වැටෙනවා හිඟන පාත්තරේ
ඇඩ්‍රස් නෑ..

කුණු කඳුවල රජ බොජුන් හොයනවා..
කුජීත රජදරුවෝ
වෘකයෝ බැටළු හම පොරවා
බළලුන් ලව්වා කොස් ඇට බාවනවා
ඇඩ්‍රස් නෑ..

දුප්පත් එකාට ඇත්තටම ඇඩ්‍රස් නෑ. අහසත් පොළවත් ඇරුණාම උන්ගේ කියලා උන්ට තියෙන්නේ මොකද්ද..?.
කවදහරි දවසක යම රජ්ජුරුවෝ තීන්දුව දෙන දාට තමයි මෙහෙ හිටපු පට්ට පොරවල් එහෙදි නොන්ඩි වෙන්නේ.  අන්න එදාට උන්ට ඇඩ්‍රස් නෑ. 
එදා වේල රෝලක් යන උන්ට අද ආතල් නං හෙට චොර උනාම මොකෝ..! හැබැයි කවදා හරි වැඩේ ගැස්සිලා පජාත උන දාට තමයි හිඟන්නගේ පාත්තරේට හෙනහුරා කඩාපාත් වෙන්නේ. අන්න එදාට ඉතිං ඇඩ්‍රස් නෑ. 
පැල්පත් මන්දිරේ උපන්න කුජීත රජදරුවෝ රසමසවුළු හොයන්නේ කුණු කඳුවල. උන්ට කොයින්ද රජ බොජුන්..? උන්ටත් ඇඩ්‍රස් නෑ.
බැටළු හම පොරවගත්ත වෘකයෝ කවදත් ඉතිං බළලුන් ලවා කොස් ඇට බාවනවා. 
හැමදාමත් වගේ අන්තිමට මේ බජාර් එකට ඇඩ්‍රස් නෑ.. මල්ලී...