අපි තරහ නෑ..

උඹලත් අපේ පංතියේම උන්..

ඔය කරන්නේ උඹලගේ රස්සාව..
ඒ බව අපි දන්නවා..
උඹලටත් අපි වගේම නංගිලා, මල්ලිලා ඇති..
දුවලා, පුතාලා ඇති..

අපි මේ කෑ ගහන්නේ උන් වෙනුවෙනුයි..

ඒ බව උඹලට වැටහෙන්නෙ නැතුව ඇති..

නමුත් අපි තරහ නෑ..

කවදා හරි ඒ බව උඹලට වැටහෙයි..

අන්න එදාට..

අපිට අමෝරන ඔය අවි..

ධනපති පාලකයන්ගේ පැත්තට,

උඹලම අමෝරාවි..!

ඒ බව,

අපි හොඳට දන්නවා.. 

අපිට උඹල එක්ක වෛරයක් නෑ..

කාකි සූට් එක,

බැරැක්කෙට ගිහිල්ලා ගලෝන ගමන්..

හිතපං..!

ඒතකොට උඹලටම වැටහේවි.

අන්න එදාට අපිත් එක්ක

එක් වෙයව්..

එතකං ඉතිං ගහපියව්..

අනාගතේ වෙනුවෙන්, 

අපි ඉවසන්නම්..

හැබැයි...

ඒ ඉවසීමේ සීමාව

වැඩි ඈතක නෙමෙයි.